आसिफ–कुशलको विस्फोटक साझेदारी, नेपालद्वारा टी–२० अन्तर्राष्ट्रियमा नयाँ कीर्तिमान
सिंगापुरमा जारी एसियाली खेलकुदको पुरुष क्रिकेट छनोट प्रतियोगितामा नेपालका ओपनर आसिफ शेख र कुशल भुर्तेलले टी–२० अन्तर्राष्ट्रिय क्रिकेटमा नयाँ इतिहास रचेका छन्।
बिहीबार
मलेसियाविरुद्धको खेलमा यी दुईले पहिलो विकेटका लागि १३४ रनको शानदार साझेदारी
गर्दै नेपालका लागि टी–२० अन्तर्राष्ट्रिय क्रिकेटमा पहिलो विकेटको सबैभन्दा ठूलो
साझेदारीको कीर्तिमान बनाएका हुन्।
यसअघि पनि यो
कीर्तिमान आसिफ र कुशलकै नाममा थियो। उनीहरूले १० अप्रिल २०२५ मा कुवेतविरुद्ध १२७
रनको साझेदारी गरेका थिए। यसपटक आफ्नै कीर्तिमान तोड्दै दुवैले नयाँ मानक स्थापित
गरेका छन्।
आसिफ शेखले केवल १७
बलमा अर्धशतक पूरा गर्दै आक्रामक ब्याटिङ प्रदर्शन गरे। उनले आफ्नो ११औँ टी–२०
अन्तर्राष्ट्रिय अर्धशतक बनाउने क्रममा पाँच छक्का र चार चौका प्रहार गरे। ८.४
ओभरसम्म टिकेको साझेदारी आसिफ आउट भएपछि समाप्त भएको थियो।
१० ओभरको खेल
सकिँदासम्म नेपालले एक विकेटको क्षतिमा १५६ रन बनाएको थियो। कुशल भुर्तेल ८४ रनमा
अविजित रहँदै टोलीको विशाल स्कोरतर्फ अग्रसर थिए।
आसिफ र कुशलको यो
विस्फोटक प्रदर्शनले नेपाली क्रिकेटको बढ्दो शक्ति र आत्मविश्वासलाई पुनः प्रमाणित
गरेको छ।
एक्सप्रेस
सम्बन्धित खबर
एमालेमा हलचल, तर खुल्न डर
सामान्य प्रशासनमन्त्री गुप्तालाई हटाउने तयारी
एनपिएलः आज दुई खेल हुँदै
काठमाडौँ । राजधानीमा जारी दोस्रो संस्करणको नेपाल प्रिमियर लिग एनपिएल अन्तर्गत आज दुई खेल हुने भएका छन् । कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट रंगशाला बिहान ११ः१५ बजे हुने पहिलो खेलमा कर्णाली र ल...
बक्सिङमा इतिहास रचेका मगर आज स्वदेश फर्किँदै
काठमाडौँ । आइबिए पुरुष विश्व बक्सिङ च्याम्पियनसिप २०२५ मा कास्यपदक जितेका नेपालका बक्सर चन्द्रबहादुर थापा मगर आज स्वदेश फिर्ता हुँदैछन् । चन्द्रबहादुर नेपालको बक्सिङ इतिहासमा विश्व च्याम्पियनसिपमा सेमिफाइनलमा प्रवेश गर...
आईसीसी टी–२० विश्वकप छनोटमा नेपालद्वारा ओमान ३८ रनले पराजित
काठमाण्डौँ । टी–२० एशिया तथा इस्ट एशिया–प्यासिफिक छनोटमा ओमानलाई ३८ रनले हराउँदै नेपाल अंक तालिकाको शीर्षस्थानमा उक्लिएको छ ।यो सँगै नेपालले छनोट उपाधि जित्ने सम्भावनालाई बलियो बनाएको छ । हिजोको खेलमा नेपालले दिएको १५२...

