काठमाडौँ । काठमाडौँ गोर्खाजले नेपाल प्रिमियर लिग ९एनपिएल० मा बिहीबार भएको बागमती डर्बीमा चितवन राइनोजलाई ५३ रनले पराजित गर्दै तेस्रो जित दर्ता गरेको छ । पाँच खेलपछि काठमाडौँले ६ अंक जोडेर तालिकाको तेस्रो स्थानमा उक्लिएको छ । विराटनगरसँग समान अंक भए पनि रनरेटमाबश काठमाडौँ पछि छ ।

काठमाडौँले दिएको १४३ रनको लक्ष्य पछ्याएको चितवन १७।१ ओभरमै ८९ रनमा अलआउट भयो । चितवनका देव खनाल र रवि बोपाराले २१–२१ रन बनाएका थिए भने सोहेल तान्विरले १८ रन जोडे। अन्य खेलाडी दोहोरो अंकमा पुग्न सकेनन् । काठमाडौँका राशिद खानले १।२ ओभरमा ३ रन खर्चेर ३ विकेट लिए। कप्तान करण केसी, मिलिन्द कुमार र शाहब आलमले दुईरदुई विकेट हात पारे ।

यसअघि, कीर्तिपुरस्थित टियु अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको काठमाडौँ १९।४ ओभरमा अलआउट १४२ रनमा समेटिएको थियो ।

काठमाडौँका जोन सिम्पसनले २९ बलमा ६० रनको उत्कृष्ट पारी खेले । मिलिन्द कुमारले ४३ बलमा ३८ रन बनाए । दुवैले तेस्रो विकेटका लागि ९८ रनको महत्त्वपूर्ण साझेदारी गरेका थिए । तर सिम्पसन १७औँ ओभरमा आउट भएपछि बाँकी ब्याटरले टिक्न नसक्दा काठमाडौँले १५ ओभरमा १०९र३ बाट थप ३३ रन जोड्दा ७ विकेट गुमायो । चितवनका सोहेल तान्विरले ४ ओभरमा २५ रन खर्चेर ४ विकेट लिए । रञ्जित कुमार र कमलसिंह ऐरीले दुईरदुई तथा रवि बोपाराले एक विकेट लिए।