काठमाडौँ । शरद भेसवाकरले नेपाली क्रिकेट टोलीबाट सन्यास लिएका छन् । हङकङ सिक्सेस खेलेसँगै शरदले आज टोलीबाट सन्यास लिएका हुन् । सन् २०१४ मा नेपालले आईसीसी टी– २० विश्वकप खेल्दा र सन् २०१८ मा नेपालले पहिलोपटक एकदिवसीय क्रिकेट खेल्दा शरद टोलीका महत्त्वपूर्ण खेलाडी थिए ।

उमेर समूहदेखि सिनियर टोलीसम्मा योगदान गरेका शरद २०२२ देखि राष्ट्रिय टोलीमा छैनन् । उनले सामाजिक सञ्जालमा नेपाली क्रिकेट संघ क्यानलाई धन्यवाद दिएका छन् । नेपाली राष्ट्रिय क्रिकेट टोलीका कप्तान रोहितकुमार पौडेलले धन्यवाद दिएका छन् । रोहितले आफू उनको शान्त स्वभावको अनुयायी भएको बताएका छन् । ‘शरद दाई, नेपाली क्रिकेट खेलाडीको रुपमा दिनुभएको योगदानका लागि धेरै–धेरै धन्यवाद । धेरै युवाका लागि प्रेरणाको स्रोत बन्नुभएको छ, खेल मैदानभित्र हजुरहरूको शान्त स्वभावको म सधैं अनुयायी हुँ । क्रिकेटको दोस्रो इनिङका लागि शुभकामना दाई’, रोहितले भने ।