मङ्गल, ०३ चैत २०८२
Mahir News add
Mahir News add

रास्वपाको महाधिवेशन चुनावी सरगर्मी सुरु, सोमबार उम्मेदवारी दर्ता हुँदै

Main News Image
Mahir News add

राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत नेतृत्व चयनको प्रक्रिया औपचारिक रूपमा अघि बढेको छ। केन्द्रीय निर्वाचन आयोगले सार्वजनिक गरेको निर्वाचन तालिकाअनुसार महाधिवेशन प्रतिनिधिहरूको प्रारम्भिक नामावली शनिबार राति नै प्रकाशन भइसकेको छ भने प्रतिनिधिहरूको अन्तिम नामावली आइतबार राति ११ बजे सार्वजनिक गरिनेछ।

निर्वाचन आयोगका प्रमुख भुवन केसीका अनुसार सोमबारदेखि उम्मेदवार मनोनयन प्रक्रिया सुरु हुनेछ। दिउँसो १ बजेदेखि उम्मेदवारी फाराम वितरण गरिनेछ भने २ बजेदेखि ४ बजेसम्म उम्मेदवारहरूले मनोनयन दर्ता गर्न सक्नेछन्। सोही दिन साँझ ६ बजे उम्मेदवारहरूको प्रारम्भिक नामावली सार्वजनिक गरिने कार्यक्रम छ।

नामावली प्रकाशनपछि साँझ ६ बजेदेखि ७ बजेसम्म उम्मेदवारविरुद्ध दाबी–विरोध दर्ता गर्न सकिनेछ। दाबी–विरोधमाथि साँझ ७ बजेदेखि ९ बजेसम्म छानबिन गरिनेछ। उम्मेदवारले राति ९ः१५ बजेसम्म आफ्नो नाम फिर्ता लिन सक्ने व्यवस्था गरिएको छ। अन्तिम उम्मेदवार सूची भने राति ११ बजे सार्वजनिक गरिनेछ।

निर्वाचन तालिकाअनुसार असार ९ गते मंगलबार बिहान ८ः३० बजेदेखि दिउँसो ३ बजेसम्म पहिलो चरणको मतदान सञ्चालन हुनेछ। पहिलो चरणमा एक जना सभापति र ९९ जना केन्द्रीय सदस्य चयनका लागि मतदान हुनेछ। मतदान सम्पन्न भएपछि करिब दुई घण्टाभित्र मतगणना गरी नतिजा सार्वजनिक गरिने आयोगले जनाएको छ। त्यसपछि आवश्यकताअनुसार दोस्रो चरणको मतदान प्रक्रिया अघि बढाइनेछ।

उम्मेदवारीका लागि आवश्यक योग्यता र शुल्कसमेत आयोगले तोकेको छ। सभापति पदका उम्मेदवारले ५१ हजार रुपैयाँ शुल्क बुझाउनुपर्नेछ भने एक जना प्रस्तावक र ५१ जना समर्थक अनिवार्य हुनेछन्। त्यस्तै, पदाधिकारी पदका लागि ४१ हजार रुपैयाँ शुल्कसहित एक जना प्रस्तावक र २१ जना समर्थक आवश्यक पर्नेछ। केन्द्रीय सदस्य पदका लागि २१ हजार रुपैयाँ शुल्क, एक जना प्रस्तावक तथा २१ जना समर्थकको समर्थन अनिवार्य गरिएको छ।

रास्वपाको पहिलो महाधिवेशनमार्फत नयाँ नेतृत्व चयन हुने भएकाले पार्टीभित्र चुनावी गतिविधि तीव्र बन्दै गएको छ।


Mahir News add

सम्बन्धित खबर

एमाले उपाध्यक्ष पदका लागि बिन्दा पाण्डे मैदानमा, प्रस्तावकमा अष्टलक्ष्मी

काठमाडौँ । नेकपा एमालेकी नेतृ बिन्दा पाण्डेले पार्टीको उपाध्यक्ष पदमा उम्मेदवारी दिएकी छन् । नेतृ अष्टलक्ष्मी शाक्यको प्रस्तावमा पाण्डेले उपाध्यक्ष पदका लागि उम्मेदवारी दर्ता गराएकी हुन् । पार्टीको जारी ११औँ महाधिवेशनम...

राष्ट्रपति पौडेल आज अपराह्न स्वदेश फर्कँदै

काठमाडौँ । राष्ट्रपति रामचन्द्र पौडेल कतारको राजधानी दोहामा आयोजित ‘सामाजिक विकासका लागि दोस्रो विश्व शिखर सम्मेलन’ मा सहभागी भएर आज अपराह्न स्वदेश फर्कँदै छन् । राष्ट्रपति पौडेलले उक्त सम्मेलनको मुख्य सत्रलाई गत मंगलबार सम्बोधन गरेका...

एमालेमा हलचल, तर खुल्न डर

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...

जेनजी पुस्ताले इतिहासबाट सिक्नुपर्छ, आफैँबाट इतिहास सुरु भयो भन्नु गलत : स्वर्णिम वाग्ले

काठमाडौँ । राष्ट्रिय स्वतन्त्र पार्टीका उपसभापति डा स्वर्णिम वाग्लेले जेनजी पुस्ताले इतिहासबाट ज्ञान लिएर अगाडि बढ्नुपर्ने बताएका छन् । मंगलबार काठमाडौंमा आयोजित कार्यक्रममा उनले इतिहासबाट केही सिकेनौ भने इतिहास नै दोह...

को हुन् जेनजी आन्दोलन भड्काउने टीओबी समूह ?

काठमाडौँ । गत भदौ २३ र २४ गतेको जेनजी प्रदर्शन भड्काएको आरोप लागेका तिब्बतीयन ओरिजिनल ब्लड टीओबी समूह नेपाली बाइक राइडरहरूको समूह भएको खुलेको छ । उक्त समूहका एक जना दाबा लामाबाहेक सबै नेपाली रहेको प्रहरीले निष्कर्ष निक...

नेपाल मौलिक संस्कृतिले भरिपूर्ण मुलुक हो : राष्ट्रपति पौडेल

काठमाडौँ । राष्ट्रपति रामचन्द्र पौडेलले तिहार पर्वले नेपालीबीच आपसी सद्भाव, सहिष्णुता, भातृत्व, सुशासन र समृद्धिको भावना अझ अभिवृद्धि गर्न उत्प्रेरित गरोस भनी कामना गरेका छन् । तिहारको अवसरमा स्वदेश तथा विदेशमा रहेका न...