भारतीय नयाँ मापदण्डका कारण नेपाली चिया उद्योग संकटमा, असार १ गतेदेखि उद्योग बन्द गर्ने चेतावनी
-
माहिर न्युज
- आइत, ३१ जेठ २०८३
इलाम । नेपाली चिया निर्यातमा भारतीय पक्षले लागू गरेको नयाँ स्ट्यान्डर्ड अपरेटिङ प्रोसिजर (SOP) का कारण गम्भीर समस्या उत्पन्न भएको भन्दै सूर्योदय अर्थोडक्स टि प्रोड्युसर्स एसोसिएसन नेपालले असार १ गतेदेखि चिया उद्योग बन्द गर्ने चेतावनी दिएको छ।
एसोसिएसनले जारी गरेको प्रेस विज्ञप्तिअनुसार भारतीय चिया बोर्डले नयाँ मापदण्ड लागू गरेपछि नेपालबाट भारततर्फ चिया निर्यातमा ठूलो अवरोध सिर्जना भएको छ। गुणस्तर परीक्षण, जटिल प्रक्रिया, भण्डारणको अभाव तथा परीक्षण प्रतिवेदन प्राप्त गर्न लामो समय लाग्ने समस्याका कारण नेपाली चिया निर्यात प्रभावित भएको जनाइएको छ।
विज्ञप्तिमा भारतका विभिन्न गोदाममा करिब २ लाख किलोभन्दा बढी तयारी चिया रोकिएको तथा नेपालका उद्योगहरूमा समेत १० लाख किलोभन्दा बढी तयारी चिया थन्किएको उल्लेख गरिएको छ। भारतीय पक्षले परीक्षणका लागि लगेको नमुनाको प्रतिवेदन महिनौँसम्म नदिने र गुणस्तरहीन ठहरिएमा चिया नष्ट गर्नुपर्ने जस्ता अव्यावहारिक नियमका कारण उद्योगहरू थप समस्यामा परेको एसोसिएसनको भनाइ छ।
यस अवस्थाले उद्योगीहरूलाई किसानबाट खरिद गरिएको हरियो चियापत्तीको भुक्तानी गर्न समेत कठिन भएको जनाइएको छ। उद्योग सञ्चालन नै संकटमा परेकाले सम्पूर्ण उद्योगहरू असार १ गतेदेखि बन्द गर्नुपर्ने बाध्यात्मक अवस्था आएको एसोसिएसनले जनाएको छ।
एसोसिएसनले यसबाट चिया किसान, व्यवसायी, मजदुर तथा उद्योगसँग सम्बन्धित सबै पक्षमा पर्ने असरप्रति दुःख व्यक्त गर्दै समस्या समाधानका लागि सरकार, सरोकारवाला निकाय तथा सबै पक्षसँग आवश्यक पहल, सहयोग र ऐक्यबद्धताको अपिल गरेको छ।का विभिन्न गोदाममा करिब २ लाख किलोभन्दा बढी तयारी चिया रोकिएको तथा नेपालका उद्योगहरूमा समेत १० लाख किलोभन्दा बढी तयारी चिया थन्किएको उल्लेख गरिएको छ। भारतीय पक्षले परीक्षणका लागि लगेको नमुनाको प्रतिवेदन महिनौँसम्म नदिने र गुणस्तरहीन ठहरिएमा चिया नष्ट गर्नुपर्ने जस्ता अव्यावहारिक नियमका कारण उद्योगहरू थप समस्यामा परेको एसोसिएसनको भनाइ छ।
यस अवस्थाले उद्योगीहरूलाई किसानबाट खरिद गरिएको हरियो चियापत्तीको भुक्तानी गर्न समेत कठिन भएको जनाइएको छ। उद्योग सञ्चालन नै संकटमा परेकाले सम्पूर्ण उद्योगहरू असार १ गतेदेखि बन्द गर्नुपर्ने बाध्यात्मक अवस्था आएको एसोसिएसनले जनाएको छ।
एसोसिएसनले यसबाट चिया किसान, व्यवसायी, मजदुर तथा उद्योगसँग सम्बन्धित सबै पक्षमा पर्ने असरप्रति दुःख व्यक्त गर्दै समस्या समाधानका लागि सरकार, सरोकारवाला निकाय तथा सबै पक्षसँग आवश्यक पहल, सहयोग र ऐक्यबद्धताको अपिल गरेको छ।
एक्सप्रेस
सम्बन्धित खबर
कार्तिकदेखि भारतबाट विद्युत् आपूर्ति सुनिश्चित गर्ने तयारी
काठमाडौँ । नेपाल विद्युत प्राधिकरणले आगामी कार्तिकदेखि भारतबाट विद्युत् आपूर्ति सुनिश्चित गर्ने तयारी पूरा गरेको जनाएको छ । प्राधिकरणका अनुसार, धेरै आयोजना रन अफ द रिभर प्रकारका छन् र नदीको प्रवाही निर्भरता तथा डिस्चार...
सुनको मूल्यमा गिरावट, सोमबार प्रतितोला कति ?
काठमाडौँ । नेपाली बजारमा आज सुनको मूल्य घटेको छ । सुन तोलामा एक हजार ९०० रुपैयाँले ओरालो लागेको हो । नेपाल सुनचाँदी ब्यवसायी महासंघका अनुसार आज सुन प्रतितोला दुई लाख ४२ हजार ७०० रुपैयाँ कायम भएको छ ।
घरजग्गा कारोबार क्रमश: ओरालो लाग्दै, राजस्व संकलन पनि घट्यो
काठमाडौँ । देशभर घरजग्गाको कारोबार क्रमशः घट्दै गएको पाइएको छ । कारोबार घट्दै जाँदा राजस्व संकलनमा समेत ह्रास आएको छ । कारोबारको विवरण राख्ने भूमि व्यवस्थापन तथा अभिलेख विभागका अनुसार चालु आर्थिक वर्षको चार महिनामा राजस्व संकलनको मात्रा क्रमशः ओरा...
नेपाल-चीन आर्थिक सहकार्यमा जोड
काठमाडौँ । अर्थमन्त्री रामेश्वर खनालले नेपाल-चीन आर्थिक सहकार्य र लगानी वृद्धिमा जोड दिएका छन् । मंगलबार यहाँ आयोजित नेपाल-चीन आर्थिक सहकार्य र लगानीसम्बन्धी कार्यशालामा मन्त्री खनालले वैदेशिक लगानी भित्र्याउन नेपालले...
बागमती प्रदेशमा घर जग्गा कारोबार घट्दै, राजस्व संकलनमा २३.६ प्रतिशतले गिरावट
काठमाडौँ । बागमती प्रदेशमा घरजग्गा कारोबार निरन्तर घट्दा राजस्वमा असर परेको एक अध्ययन प्रतिवेदनले देखाएको छ । नेपाल राष्ट्र बैंकले प्रकाशन गरेको आर्थिक गतिविधि अध्ययन प्रतिवेदन अनुसार घर, भवन नक्सापास कमी आउँदा राजस्व पनि घटेको देखिएको छ । प...
सुदूरपश्चिममा धान उत्पादन : क्षेत्रफल घट्यो, उत्पादकत्व वृद्धि
कञ्चनपुर । सुदूरपश्चिम प्रदेशमा पछिल्ला वर्षमा धानको उत्पादकत्वमा वृद्धि भएको छ। खेती गर्ने तरिका सुधार गरी किसान व्यावसायिक बन्न थालेपछि धान उत्पादनमा वृद्धि भएको कृषि विकास निर्देशनालय सुदूरपश्चिमले जनाएको छ। निर्देश...