मुस्ताङ ।  हिमाली जिल्ला मुस्ताङ मा पछिल्लो पाँच वर्षमा लेक लागेर ५८ जना पर्यटकको मृत्यु भएको छ। मृत्यु हुनेमध्ये ६५ प्रतिशतभन्दा बढी भारतीय पर्यटक रहेका छन्।

जिल्ला प्रहरी कार्यालय मुस्ताङको अभिलेखअनुसार आर्थिक वर्ष २०७८/७९ देखि चालु आर्थिक वर्ष २०८२/८३ को जेठ १५ गतेसम्म लेक लागेर १६ नेपाली र ४२ विदेशी पर्यटकले ज्यान गुमाएका छन्।

प्रहरी निरीक्षक सन्तोष बस्याल का अनुसार आर्थिक वर्ष २०७८/७९ मा ६ जना, २०७९/८० मा १२ जना, २०८०/८१ मा १४ जना, २०८१/८२ मा १३ जना तथा चालु आर्थिक वर्ष २०८२/८३ को जेठ १५ गतेसम्म १३ जना पर्यटकको लेक लागेर मृत्यु भएको छ।

उच्च हिमाली क्षेत्रमा उकालो चढ्दै जाँदा हावामा अक्सिजनको मात्रा कम हुने भएकाले लेक लाग्ने समस्या देखिने गर्छ। पर्याप्त सावधानी नअपनाउँदा यसले ज्यानसमेत लिन सक्ने चिकित्सकहरूले बताएका छन्।