ओलीको दाबी: ‘म बयान दिन गएनँ, आयोग नै नक्कली हो’
काठमाडौं — नेकपा (एमाले) अध्यक्ष केपी शर्मा ओलीले गौरीबहादुर कार्की नेतृत्वको जाँचबुझ आयोगप्रति कडा आपत्ति जनाउँदै आफूले उक्त आयोगमा कुनै बयान नदिएको स्पष्ट पारेका छन्।
एमाले केन्द्रीय
संगठन विभागले बुधबार आयोजना गरेको दुई दिने राष्ट्रिय कार्यशालामा बोल्दै ओलीले
उक्त आयोगलाई “नक्कली” भन्दै त्यसलाई आफ्नो दलले मान्यता नदिएको टिप्पणी गरे। उनले
आयोग गठनको आधार नै पूर्वाग्रही भएको आरोप पनि लगाए।
ओलीका अनुसार, “पहिल्यै कसलाई जेल हाल्ने भनेर सार्वजनिक रूपमा धारणा
बनाइसकेका व्यक्तिको नेतृत्वमा बनेको आयोग निष्पक्ष हुन सक्दैन।”
उनले आफ्नो
सम्पत्ति विवरणबारे उठाइएका प्रश्नप्रति असन्तुष्टि जनाउँदै, “आगोले नष्ट भइसकेको स्थानमा सम्पत्ति खोज्ने होइन, खरानी नै उठाएर लैजानुहोस्,” भन्दै सरकारलाई व्यंग्य गरे।
पूर्वप्रधानमन्त्री
सुशीला कार्कीप्रति संकेत गर्दै उनले सरकारका उच्च तहबाटै निश्चित व्यक्तिमाथि
कारबाही गर्न निर्देशन दिइएको र त्यसकै आधारमा आयोग बनेको दाबी पनि गरे।
ओलीले आफूले
आयोगलाई बयान नदिएको पुनः दोहोर्याउँदै, प्रश्नावली पठाइएको तर त्यसको जवाफ नदिएको बताएका छन्। साथै, राष्ट्रपतिमाथि पनि उनले संवैधानिक भूमिकाभन्दा बाहिर गएर
सरकारका निर्णयमा ‘रबर स्ट्याम्प’ बनेको आरोप लगाए।
उनले पार्टी
नेतृत्व परिवर्तनबारे उठिरहेका बहसप्रति टिप्पणी गर्दै “शिर काटेर टेबलमा राखेपछि
पार्टी बलियो हुन्छ भन्ने भ्रममा नपर्न” चेतावनी दिए। देशका संकटका समयमा आफूहरूले
रोक्न नसकेका घटनाबारे आत्मालोचना गर्नुको सट्टा यथार्थ बुझ्नुपर्ने पनि उनको भनाइ
थियो।
एक्सप्रेस
सम्बन्धित खबर
को हुन् जेनजी आन्दोलन भड्काउने टीओबी समूह ?
काठमाडौँ । गत भदौ २३ र २४ गतेको जेनजी प्रदर्शन भड्काएको आरोप लागेका तिब्बतीयन ओरिजिनल ब्लड टीओबी समूह नेपाली बाइक राइडरहरूको समूह भएको खुलेको छ । उक्त समूहका एक जना दाबा लामाबाहेक सबै नेपाली रहेको प्रहरीले निष्कर्ष निक...
चार जना मन्त्रीको नाम टुंगो लाग्यो, आजै सपथको तयारी
काठमाडौँ । प्रधानमन्त्री सुशीला कार्कीले चार जना मन्त्री थप गरेर मन्त्रिपरिषद विस्तार गर्ने तयारी गरेकी छन्। चारै जना मन्त्रीको सपथ आजै हुने बालुवाटार स्रोतले जनाएको उनीहरुको नाम राष्ट्रपति कार्यालय पठाइसकिएको स्रोतले...


