बजेटपछि सुनको मूल्यमा ठूलो उछाल, तोलामा २० हजार ५०० रुपैयाँ वृद्धि

बजेटपछि सुनको मूल्यमा ठूलो उछाल, तोलामा २० हजार ५०० रुपैयाँ वृद्धि

काठमाडौं । नेपाली बजारमा आइतबार सुनको मूल्य एकैदिन उल्लेख्य रूपमा बढेको छ। अघिल्लो कारोबार दिनको तुलनामा सुनको भाउ प्रतितोला २० हजार ५०० रुपैयाँले वृद्धि भएको हो।

नेपाल सुनचाँदी व्यवसायी महासंघका अनुसार शुक्रबार प्रतितोला २ लाख ९० हजार ६ सय रुपैयाँमा कारोबार भएको छापावाल सुन आइतबार बढेर ३ लाख ११ हजार १ सय रुपैयाँ पुगेको छ।

सरकारले आर्थिक वर्ष २०८३/८४ को बजेटमार्फत सुन, चाँदी तथा हिराजन्य गहनामा लाग्ने कर र भन्सार शुल्कमा संशोधन गरेपछि बजारमा सुनको मूल्य उच्च दरले बढेको अनुमान गरिएको छ।

बजेटमा गरिएको नयाँ व्यवस्थाअनुसार सुन र चाँदीमा समान रूपमा २० प्रतिशत भन्सार शुल्क तथा हिरामा ५ प्रतिशत भन्सार दर कायम गरिएको छ।

यसैबीच, चाँदीको मूल्य पनि बढेको छ। आइतबार चाँदी प्रतितोला ३०५ रुपैयाँले महँगिएर ५ हजार ३४५ रुपैयाँ कायम भएको महासंघले जनाएको छ। यसअघि शुक्रबार चाँदी प्रतितोला ५ हजार ४० रुपैयाँमा किनबेच भएको थियो।

Bottom of Form

एक्सप्रेस

सम्बन्धित खबर

केपी ओलीको विकल्पमा आइन् विद्या भण्डारी

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...